Bild – გერმანია უკრაინას შორის მოქმედების Taurus რაკეტებს უახლოეს მომავალში არ გადასცემს
გერმანია უკრაინას შორის მოქმედების Taurus რაკეტებს უახლოეს მომავალში არ გადასცემს. ამის შესახებ გერმანული გამოცემა Bild გერმანული და უკრაინული სამთავრობო წრეებიდან მიღებულ ინფორმაციაზე დაყრდნობით წერს.
გამოცემის ინფორმაციით, გერმანიას უკრაინისთვის Taurus რაკეტების მიწოდებაზე ოფიციალური უარი ჯერ არ უთქვამს, მაგრამ არასაჯარო დისკუსიებში გააგებინა, რომ ასეთ გადაწყვეტილებას არ მიიღებს.
Bild-ის თანახმად, მიუხედავად იმისა, რომ მომავალში ამ რაკეტების გადაცემა გამორიცხული არ არის, მაინც “ნაკლებად სავარაუდოდ” ითვლება.
“უკრაინული მთავრობის წარმომადგენლებს გერმანულ მხარესთან მოლაპარაკებებზე გააგებინეს, რომ გერმანიას ამავდროულად ყველაფრის გაკეთება სურს, რაც შესაძლებელია, მისი [უკრაინის] საჰაერო თავდაცვის გასაძლიერებლად და, შესაძლებელია, Patriot კომპლექსებისთვის მეტi რაკეტა მიაწოდოს”, - წერს გამოცემა.
